Amaravati Accident : राज्यात बसच्या अपघातांमध्ये मोठ्या प्रमाणावर वाढ झाली आहे. आता अमरावती जिल्ह्यात एक भीषण अपघात झाला आहे. जिल्ह्यातील नांदगाव खंडेश्वर यवतमाळ मार्गावर ट्रॅव्हल्स आणि रेडी मिक्स काँक्रिट मिक्सरचा अपघात झाला या घटनेत चार जणांचा मृत्यू झाला. यामुळे एकच खळबळ उडाली आहे.
तसेच यामध्ये दहा जण गंभीर जखमी असल्याची माहिती आहे. घटनास्थळी मोठ्या प्रमाणावर स्थानिकांनी गर्दी केली होती. हे खेळाडू यवतमाळ येथील सुरू असलेल्या एका स्पर्धेसाठी ट्रॅव्हल्सने निघाले होते. मात्र वाटेतच त्यांचा अपघात झाला आहे.
समोरून येणाऱ्या काँक्रीट मिक्सर ट्रकने पिवळ्या रंगाच्या ट्रॅव्हल्सला समोरासमोर जबर धडक दिली. यामुळे ट्रॅव्हल्सचा भीषण अपघात घडून आला. या अपघातात चार जणांचा घटनास्थळीच मृत्यू झाला. यामुळे मोठी खळबळ उडाली.
जखमी दहा जणांना परिसरातील ग्रामीण रुग्णालयात उपचारासाठी दाखल करण्यात आले आहे. त्यांच्यावर सध्या उपचार सुरू आहेत. या अपघातातील मृतांच्या नावांची माहिती अद्याप समोर आलेली नाही. रेडी मिक्स काँक्रिट मिक्सरच्या धडकेने हा अपघात झाला.
क्रिकेट स्पर्धेला पोहोचण्यापूर्वीच हा मोठा अपघात घडला. अमरावती जिल्ह्यातून हे खेळाडू क्रिकेट स्पर्धेसाठी यवतमाळ जिल्ह्यात निघाले होते. मात्र, स्पर्धेपूर्वीचं या कबड्डीपटूंवर काळानं घाला घातला.
दरम्यान, या घटनेमुळे एकच खळबळ उडाली आहे. याबाबत पोलीस तपास करत आहेत. या घटनेमुळे मृत्यूमुखी पडलेल्या तरुणांच्या कुटूंबाला मोठा धक्का बसला. घटनेची माहिती होताच याठिकाणी मोठी गर्दी झाली होती. त्यानंतर पोलीस याठिकाणी दाखल झाले.