चंद्रपूर जिल्ह्यातून अपघाताची घटना समोर आली आहे. यामुळे मोठी खळबळ उडाली. याठिकाणी भरधाव ट्रक रिक्षावर उलटल्याने ४ जणांचा जागीच मृत्यू झाला. रात्री साडेसात वाजण्याच्या सुमारास चंद्रपूर शहरातील बल्लारपूर बायपासवर हा भीषण अपघात झाला. याबाबत तपास सुरू आहे.
याबाबत माहिती अशी की, अनियंत्रित झालेला ट्रक थेट रिक्षावर उलटला. या अपघातात 4 जणांचा जागीच मृत्यू झाला आहे. तसेच चार जण जखमी झाले असून त्यांना रुग्णालयात दाखल करण्यात आले आहे. घटनेनंतर याठिकाणी मोठी गर्दी झाली होती.
दरम्यान, हा ट्रक अष्टभुजा मंदिराजवळील रेल्वे उड्डाणपुलावरुन येत होता. नियंत्रण सुटल्याने शेजारून निघालेल्या रिक्षावर तो उलटला. यामुळे रिक्षामध्ये बसलेल्या चौघांचा चिरडुन मृत्यू झाला. यामध्ये संगीता चाहांदे, अनुष्का खेरकर, प्रभाकर लोहे आणि ऑटो चालक इरफान खान अशी मृत व्यक्तींची नावे आहेत.
दरम्यान, घटनेची माहिती मिळताच पोलिसांनी अपघातस्थळी धाव घेत जखमींना रुग्णालयात दाखल केले. हा अपघात इतका भीषण होता की, यामध्ये रिक्षाचा अक्षरशः भुगा झाला होता.
या अपघातानंतर याठिकाणी मोठी गर्दी झाली होती. घटनेनंतर पोलिसांनी लगेच जखमींवर उपचार सुरू करण्यासाठी त्यांना रुग्णालयात दाखल केले. यामुळे सध्या त्यांची प्रकृती स्थिर असल्याची माहिती आहे.