प्रसिद्ध लेखक दिग्पाल लांजेकर हे पुन्हा एकदा चर्चेत आले आहे. ते आता त्यांचा नवा ऐतिहासिक चित्रपट घेऊन येत आहे. सुभेदार असे त्या चित्रपटाचे नाव आहे. येत्या १८ ऑगस्टला हा चित्रपट प्रदर्शित होणार आहे.
फर्जंद, फत्तेशिकस्त, पावनखिंड, शेर शिवराज असे चार चित्रपट काढल्यानंतर दिग्पाल लांजेकर सुभेदार हा चित्रपट काढत आहे. सध्या ते या चित्रपटाचे प्रमोशन करत आहे. अशातच एक व्हिडिओ चर्चेचा विषय ठरला आहे.
सुभेदारच्या टीमकडून या चित्रपटासाठी प्रमोशन केले जात आहे. त्यासाठी संपुर्ण टीमने ठाण्यातील एका मॉलला भेट दिली होती. अनेक चाहत्यांनी यावेळी कलाकारांची भेट घेतली. त्यामुळे तिथे प्रचंड गर्दी पाहायला मिळाली होती.
अशात अभिनेता चिन्मय मांडलेकरने या कार्यक्रमाचा एक व्हिडिओ शेअर केला आहे. त्यामध्ये एक लहान मुलगा शिवघोष करताना दिसत आहे. शिवघोष करताना तो मुलगा मंचावर उभा आहे. तो तिथे उपस्थित असलेल्या कलाकारांसमोरच शिवघोष करतो.
शिवघोष झाल्यानंतर चिन्मय मांडलेकर चिमुकल्याला मिठी मारतो. तसेच त्याचे कौतूकही करतो. शिव विचार पुढच्या पिढीपर्यंत पोहोचवणं हाच श्री शिवराज अष्टकाचा खरा ध्यास आहे, असे कॅप्शन चिन्मय मांडलेकर याने त्या पोस्टला दिले आहे.
सुभेदार चित्रपटाच्या प्रमोशनवेळी या छोट्या ठाणेकराचा अंगावर शहारे आणणारा शिवघोष ऐकून चिन्मय मांडलेकरने चिमुकल्याला मिठी मारली असे कॅप्शन व्हिडिओवर देण्यात आले आहे. सोशल मीडियावर सध्या हा व्हिडिओ खुप व्हायरल होत आहे. तसेच अनेकजण या व्हिडिओवर वेगवेगळ्या कमेंट करत आहे.