lover : कोयत्याने वार अन् प्रेयसीचे डोकं धडावेगळं! स्वतःच फोन करून पोलिसांना बोलावलं, रक्ताने माखलेल्या कोयत्यासह…दोघेही पुण्यातील

lover : पैशाच्या क्षुल्लक वादातून एका प्रियकराने क्रूरपणे आपल्या प्रेयसीचा खून केल्याची धक्कादायक घटना राहुरी तालुक्यातील वांबोरी परिसरात घडली. आरोपीने कोयत्याने केलेल्या भयंकर हल्ल्यात महिलेचे शीर धडावेगळे झाले, आणि नंतर स्वतः पोलिस ठाण्यात हजर राहून गुन्ह्याची कबुली दिली.

ही घटना बुधवारी (दि. 19) संध्याकाळी पिलेश्वर देवस्थान परिसरातील गणपती मंदिराजवळ घडली. सोनाली राजू जाधव (वय 28, रा. पोखरी, ता. आंबेगाव, जि. पुणे) असे मृत महिलेचे नाव असून, आरोपी सखाराम धोंडिबा वालकोळी (वय 58, रा. निडगुरसर, ता. आंबेगाव, जि. पुणे) आहे.

खून कसा घडला?

पोलिसांनी दिलेल्या माहितीनुसार, आरोपी सखाराम आणि सोनाली संध्याकाळी सातच्या सुमारास पिलेश्वर देवस्थान मंदिराजवळ गेले होते. यावेळी सोनालीने सखारामकडे पैशांची मागणी केली. तिने त्याला धमकी दिली की, “जर तू मला पैसे दिले नाहीस, तर मी पोलिसांत तक्रार करीन.” या कारणावरून दोघांमध्ये वाद झाला.

वाद टोकाला जाताच, चिडलेल्या सखारामने अचानक कोयता काढून सोनालीच्या मानेवर जोरात वार केला, ज्यामुळे तिचे शीर धडावेगळे झाले. घटनास्थळीच तिचा मृत्यू झाला.

स्वतः पोलिस ठाण्यात हजर

हत्या केल्यानंतर आरोपी सखाराम कोयता हातात घेऊन तब्बल चार किलोमीटर चालत वांबोरी पोलिस दूरक्षेत्रात पोहोचला. तिथे जाऊन त्याने स्वतः फोन करून पोलिसांना बोलावले आणि “मी माझ्या प्रेयसीची हत्या केली आहे,” असे सांगितले.

पोलिस तपास सुरू

सोनालीचा मृतदेह रात्री उशिरा वांबोरी ग्रामीण रुग्णालयात आणण्यात आला आणि नंतर उत्तरीय तपासणीसाठी जिल्हा रुग्णालयात पाठवण्यात आला.

या घटनेने परिसरात प्रचंड खळबळ उडाली असून, पोलिस या हत्येमागील नेमके कारण शोधत आहेत.

• फक्त पैशांवरून वाद होता की अन्य कारणही होते?
• आरोपी वांबोरीपर्यंत कोणत्या वाहनाने आला?
• तो आणि पीडिता तिथे का आले होते?

याचा तपास पोलिसांकडून सुरू आहे.