Eknath Shinde : मराठी माणसाच्या न्याय आणि हक्कासाठी स्थापन झालेल्या शिवसेना पक्षाच्या (शिंदे गट) पदाधिकाऱ्यांकडूनच मराठी माणसावर अन्याय होत असल्याचा प्रकार उघडकीस आला आहे. मुंबईतील कांदिवली पश्चिम येथील इराणीवाडीत राहणाऱ्या पै कुटुंबीयांचे दुकान फसवणुकीच्या जाळ्यात अडकले आहे.
इसार म्हणून काही रक्कम, उर्वरित देण्यास टाळाटाळ
शिंदे गटाचे विभाग प्रमुख लालसिंग राजपुरोहित यांनी पै कुटुंबीयांचे दुकान खरेदी करण्याचे कबूल केले होते. मात्र, फक्त इसार म्हणून काही रक्कम देऊन उर्वरित रक्कम देण्यास टाळाटाळ केली, असा आरोप पै कुटुंबीयांनी केला आहे. विशेष म्हणजे, *ज्या दुकानाचा व्यवहार अजून पूर्णही झाला नाही, त्याच जागेवर राजपुरोहित यांनी आपले संपर्क कार्यालय सुरू केले आहे.
पै कुटुंबीयांना धमकी, अखेर गुन्हा दाखल
जेव्हा पै कुटुंबीय उर्वरित पैशांसाठी मागणी करण्यासाठी गेले, तेव्हा त्यांना जीवे मारण्याची धमकी देण्यात आल्याचा गंभीर आरोप त्यांनी केला आहे. त्यांनी कांदिवली पोलीस ठाण्यात तक्रार दाखल केली होती, मात्र सुरुवातीला **गुन्हा नोंदवला गेला नव्हता. अखेर *आज कांदिवली पोलिसांनी शिवसेना शिंदे गटाचे विभाग प्रमुख लालसिंग राजपुरोहित आणि हरिश माकडिया यांच्यावर फसवणुकीचा गुन्हा दाखल केला आहे.
व्यवहाराचा तपशील
तक्रारीनुसार, *सप्टेंबर २०१९ मध्ये हरिश माकडिया यांनी पै कुटुंबीयांना लालसिंग राजपुरोहित यांच्या वतीने दुकान खरेदी करण्याची ऑफर दिली. *७० लाख रुपये किंमतीच्या दुकानाचा व्यवहार ५७ लाख रुपयांत ठरवण्यात आला, मात्र स्टॅम्प ड्युटी भरण्याच्या नावाखाली व्यवहार लांबवण्यात आला.
पोलिसांच्या कारवाईकडे लक्ष
*पै कुटुंबीयांनी सुरुवातीपासूनच न्याय मागितला, मात्र पोलिसांनी गुन्हा नोंदवण्यास विलंब केला. अखेर *फसवणुकीचा गुन्हा दाखल झाल्यानंतर पुढील कारवाईकडे सर्वांचे लक्ष लागले आहे.
