सध्या च्या काळात अनेक बदल होत आहेत. सर्वांच्या हातात स्मार्टफोन आले आहेत. यामुळे ती एक गरज बनली आहे. आता टेलिकॉम मार्केटमध्ये एअरटेल, जिओ आणि व्होडाफोन-आयडियाचे एकतर्फी राज्य आहे. देशातील बहुतांश लोक या तीन मोठ्या कंपन्यांचे नेटवर्क वापरतात.
या कंपन्यांच्या नेटवर्कचे मोठ्या प्रमाणात यूजर्स आहेत. परंतु परिस्थितीही वेळोवेळी बदलते. आज आम्ही तुम्हाला सरकारी कंपनी बीएसएनएलच्या एका नवीन ऑफरबाबत माहिती देत आहोत. बीएसएनएलची ही ऑफर तुमच्या अतिशय फायद्याची ठरू शकते. अनेकांनी याचा लाभही घेतला आहे.
ही ऑफ ब्रॉडबँड नेटवर्कशी संबंधीत आहे. बीएसएनएल तुमच्या घरात मोफत वायफाय कनेक्शन देणार आहे. टेलिकॉम कंपन्यांकडून वेळोवेळी यूजर्सना आकर्षित करण्यासाठी वेगवेगळ्या ऑफर्स दिल्या जातात. अशी एक ऑफर आता BSNL कडून देखील दिली जात आहे.
या सरकारी कंपनीने नवीन युजर्सना आकर्षित करण्यासाठी एक नवीन ऑफर सुरू केली आहे. बीएसएनएल आता नवीन वापरकर्त्यांना वायफाय कनेक्शन मोफत बसवून देणार आहे. म्हणजेच आता तुम्ही बीएसएनएलचे नवे ब्रॉडबँड कनेक्शन घेतले तर त्यासाठी तुम्हाला कोणतेही इन्स्टॉलेशन शुल्क द्यावे लागणार नाही.
ब्रॉडबँडचे इन्स्टॉलेशन पूर्णपणे मोफत करून दिले जाणार आहे. बीएसएनएलने ही ऑफर गेल्या वर्षीच दिली होती आणि ती 31 मार्च 2024 पर्यंत संपणार होती. परंतु आता कंपनीने पुन्हा एक मोठा निर्णय घेतला असून ही ऑफर वर्षभरासाठी वाढवण्यात आली आहे.
आता यावर्षी देखील तुम्ही बीएसएनएलचे ब्रॉडबँड कनेक्शन घेतल्यास तुम्हाला मोफत इन्स्टॉलेशन सेवा मिळणार आहे. तुम्ही नवीन सेटअप इन्स्टॉल करण्याचा विचार करत असाल तर तुम्हाला फक्त प्लानचे पैसे द्यावे लागतील.
याव्यतिरिक्त कोणतेही अतिरिक्त शुल्क भरण्याची गरज नाही. तुम्हाला केबल्स आणि उपकरणांसाठी कोणतेही शुल्क द्यावे लागणार नाही. हे कंपनीकडून प्रदान केले जात आहे आणि ते देखील पूर्णपणे विनामूल्य असणार आहे.
भारत फायबर आणि एअरफायबर सेवा BSNL द्वारे ऑफर केल्या जात आहेत. कंपनीकडून दोन्ही सेवा पूर्णपणे मोफत दिल्या जात आहेत. तुम्हालाही नवीन कनेक्शन घ्यायचे असेल तर तुम्ही ऑनलाइन अर्ज करू शकता. यासाठी तुम्हाला कंपनीच्या अधिकृत साइटवर जावे लागेल. येथे तुमची सगळी माहिती तुम्हाला भरावी लागेल.