जगातील सर्वोत्तम अष्टपैलू क्रिकेटरचे अवघ्या ४९ व्या वर्षी अचानक निधन; मृत्यूचे धक्कादायक कारण आले समोर

नवी दिल्ली : झिम्बाब्वे क्रिकेट संघाचा माजी अनुभवी अष्टपैलू खेळाडू हीथ स्ट्रीक यांचे वयाच्या ४९ व्या वर्षी निधन झाले. कॅन्सरशी लढताना ते हरले. या आजाराशी तो बराच काळ झुंजत होता.

हिथ यांचे मंगळवार, २२ ऑगस्ट रोजी निधन झाले. तो त्याच्या काळातील सर्वोत्तम अष्टपैलू खेळाडूंपैकी एक होता. स्ट्रीकने झिम्बाब्वेसाठी ६५ कसोटी आणि १८९ एकदिवसीय सामने खेळले आहेत.

त्याने कसोटीत 28.14 च्या सरासरीने 16 वेळा चार-विकेट आणि सात वेळा पाच-विकेटसह एकून 216 विकेट्स घेतल्या. बुलावायोमध्ये जन्मलेल्या या खेळाडूने एकदिवसीय फॉर्मेटमध्ये 29.82 च्या सरासरीने 239 विकेट्स घेऊन बॉलमध्ये उत्कृष्ट कामगिरी केली आहे.

एकदिवसीय कारकिर्दीत त्याने सात वेळा चार विकेट्स आणि एकदा (5/32) पाच बळी घेतले. झिम्बाब्वेचा माजी कर्णधार बॅटनेही सक्षम होता, त्याने कसोटी क्रिकेटमध्ये 1990 धावा आणि 50 षटकांच्या फॉरमॅटमध्ये 2943 धावा केल्या.

आपल्या कसोटी कारकिर्दीत स्ट्रीकने आपल्या देशासाठी एक शतक आणि 11 अर्धशतके झळकावली, तर एकदिवसीय क्रिकेटमध्ये त्याने 13 अर्धशतके झळकावली.

एक खेळाडू म्हणून हा सिलसिला जबरदस्त होता आणि त्याने आपल्या देशासाठी सामने जिंकण्याबरोबरच विक्रमही केले जे आजही कायम आहेत.

कसोटीत 1000 धावा आणि 100 विकेट्स आणि वनडेमध्ये 2000 धावा आणि 200 बळींची दुहेरी कामगिरी करणारा तो अजूनही एकमेव झिम्बाब्वेचा खेळाडू आहे.

मे महिन्यात प्रकृती आणखीनच बिघडली आणि त्यांना तातडीने रुग्णालयात उपचारासाठी दाखल करण्यात आले. त्याच्या काही सहकाऱ्यांनी त्याच्या मृत्यूची बातमी ‘X’ (पूर्वीचे ट्विटर) वर पोस्ट केली.

झिम्बाब्वेचा माजी वेगवान गोलंदाज हेन्री ओलांगा याने ट्विटरवर ही बातमी शेअर केली आणि स्ट्रीकला श्रद्धांजली वाहिली. हिथ स्ट्रीक हा झिम्बाब्वेचाच नव्हे तर संपूर्ण जगाचा महान क्रिकेटपटू होता.