शिरूरमधील तळेगाव ढमढेरे परिसरातील तोडकरवस्ती या ठिकाणी एक मोठा अपघात झाला आहे. कारच्या अपघातात तिघांचा जागीच मृत्यू झाला असल्याची माहिती समोर आली आहे. तर तिघेजण गंभीर जखमी झाले आहेत. यामुळे एकच खळबळ उडाली आहे.
सायंकाळच्या सुमारास हा अपघात झाला आहे. शिरूर तालुक्यातील तळेगाव ढमढेरे-न्हावरे रस्त्यावर असणाऱ्या तोडकर वस्ती येथे वेगात असलेले टेम्पो आणि कार यांची समोरासमोर धडक झाली. या अपघातात तिघांचा जागेवरच मृत्यू झाला.
हा अपघात एवढा भीषण होता की दोन्ही वाहनांचा चक्काचूर झाला आहे. घटनेची माहिती मिळताच याठिकाणी मोठी गर्दी झाली. यानंतर जखमींना रुग्णालयात दाखल करण्यात आले. अचानक झालेल्या अपघाताने सर्वांची एकच तारांबळ उडाली होती.
अपघात नेमका कुठल्या कारणामुळे घडला हे अद्याप समोर आलेले नाही. यामुळे पोलीस तपास करत आहेत. दरम्यान, या परिसरात अपघाताचे प्रमाण वाढलेले आहे. अपघातात अनेकांना आपले प्राण देखील गमाववे लागले आहेत.
दरम्यान, मृतदेह शवविच्छेदनसाठी पाठवण्यात आलेले आहे. जखमींना जवळच्या रुग्णालयात दाखल करण्यात आले असून त्यांच्यावर योग्य ते उपचार सुरू आहेत. अपघातानंतर याठिकाणी मोठी गर्दी झाली होती.
या प्रकरणाच्या अधिक तपास पोलीस करत आहेत. या अपघातात या अपघातात कारमधील कविता बोरुडे (४०), योगिता बोरुडे (४०) आणि कारचालक राजू शिंदे (२५, तिघेही रा. श्रीगोंदा, जि. अहमदनगर) यांचा जागीच मृत्यू झाला. तसेच तिघे जखमी झाले.