बॉलीवूडचा किंग खान शाहरुख खानचा जवान हा चित्रपट थिएटरमध्ये प्रदर्शित झाला आहे. अभिनेत्याच्या चाहत्यांमध्ये एक वेगळाच उत्साह पाहायला मिळत आहे. शाहरुख खानने आपल्या वक्तव्यात म्हटल्याप्रमाणे हा चित्रपट बॉक्स ऑफिसवर त्सुनामी निर्माण करण्यासाठी सज्ज आहे.
मॉर्निंग शो जवळजवळ हाऊसफुल्ल झाले आहेत आणि चित्रपटगृहांबाहेर किंग खानचे चाहते ढोल वाजवून जल्लोष करत आहेत. ‘जवान’ पहिल्याच दिवशी जबरदस्त कमाई करू शकतो. असे असताना आता निर्मात्यांना एक धक्का देणारी बातमी समोर आली आहे.
हा चित्रपट रिलीज झाल्यानंतर काही तासांतच त्याची एचडी प्रिंट ऑनलाइन लीक झाल्याची बातमी सोशल मीडियावरून येत आहे. Mp4Movies, Vegamovies Tamilrockers आणि Filmyzilla व्यतिरिक्त, किंग खानचा हा चित्रपट इतर अनेक वेबसाइटवर एचडी प्रिंटसह उपलब्ध आहे.
त्यामुळे चित्रपटाच्या कमाईवर मोठा परिणाम होणार असल्याचे अनेकांचे म्हणणे आहे. त्यामुळे निर्मात्यांना करोडोंचे नुकसान होण्याची शक्यता वर्तवली जात आहे. ऑनलाइन लीकमुळे निर्मात्यांना धक्का बसणार असला आहे.
असे असले तरी बुकिंगमध्ये शाहरुख खानचा ‘जवान’ आघाडीवर आहे. या चित्रपटासाठी बरीच आगाऊ बुकिंग आधीच झाली आहे. या चित्रपटाने प्रीसेल्समध्ये यापूर्वीच 17 कोटींची कमाई केली आहे.
जवानमध्ये शाहरुख खानसह नयनतारा, विजय सेतुपती, सान्या मल्होत्रा, प्रियामणी, योगी बाबू, सुनील ग्रोवर, सिमरजीत सिंग नागरा, अजी बगरिया, मनहर कुमार आणि इतर कलाकार आहेत. या चित्रपटात दीपिका पदुकोणचा कॅमिओ आहे.