IND vs PAK: विश्वचषक 2023 मधील सर्वात मोठा सामना भारत आणि पाकिस्तान (IND vs PAK) यांच्यात अहमदाबाद येथे खेळला गेला. भारतीय कर्णधार रोहित शर्माने नाणेफेक जिंकून पाकिस्तानला प्रथम फलंदाजीसाठी आमंत्रित केले.
भारतीय संघाच्या घातक गोलंदाजीमुळे पाकिस्तान संघ पूर्ण 50 षटकेही खेळू शकला नाही. पाकिस्तानचा डाव 42.4 षटकात 191 धावांपर्यंतच मर्यादित राहिला. ज्यामध्ये कर्णधार बाबर आझमने 50 धावांचे महत्त्वपूर्ण योगदान दिले. या लक्ष्याचा पाठलाग करताना भारताने 30.3 षटकांत 3 गडी गमावून हे लक्ष्य गाठले.
पाकिस्तानने निर्धारित 50 षटकात भारतासमोर विजयासाठी 192 धावांचे लक्ष्य ठेवले होते. जे भारतीय संघाने शानदार फलंदाजी करत अवघ्या 30.3 षटकांत 3 गडी गमावून पूर्ण केले. या सामन्यात डावाची सुरुवात करण्यासाठी आलेल्या शुभमन गिल आणि रोहित शर्मा यांनी भारताला आक्रमक सुरुवात करून दिली.
मात्र, मोठे फटके खेळण्याचा प्रयत्न करत असताना 11 चेंडूत 4 चौकारांच्या मदतीने 16 धावा करून गिल पॉईंटवर झेलबाद झाला. पण तो आऊट झाल्यानंतर विराट कोहली नंबर-3वर फलंदाजीला आला. ज्याने रोहित शर्माच्या साथीने डाव वेगाने पुढे नेला.
विराट कोहली 16 धावा करून बाद झाला, रोहित शर्माने 63 चेंडूत 86 धावांची स्फोटक खेळी खेळली. या खेळीदरम्यान रोहितच्या बॅटमधून 6 चौकार आणि 6 षटकार दिसले. आपल्या खेळीने त्याने भारताला विजयाच्या उंबरठ्यावर आणले. जिथून भारताला 36 धावांची गरज होती. जे श्रेयस अय्यर आणि केएल राहुलने यशस्वीपणे गाठले.
पाकिस्तानच्या फलंदाजांनी भारताविरुद्ध ढिसाळ फलंदाजीचे उदाहरण मांडले. पाकिस्तानचे फलंदाज दडपण हाताळू शकत नसल्याचे मोठ्या सामन्यांमध्ये दिसून येते. असेच काहीसे अहमदाबादमध्ये पाहायला मिळाले. त्याचे संपूर्ण श्रेय रोहित शर्माकडे जाते. त्याने सामन्यात बुमराह, सिराज आणि कुलदीपचा चांगला वापर केला.
पाकीस्तानच्या डावात बाबर आणि रिझवानमध्ये मोठी भागीदारी रचली जात असताना रोहितने आपला मुख्य गोलंदाज सिराजला परत आणले. ज्याने बाबरची विकेट घेतली. त्यानंतर त्याने बुमराह आणि कुलदीपला संधी दिली. ज्यांनी एकामागून एक विकेट्स घेतल्या. रोहितच्या नियोजनापुढे बाबरच्या सैन्याने शरणागती पत्करली.
पाकीस्तानला सलग आठव्यांदा हरवून भारताने आज अनोखा विश्वविक्रम नोंदवला. क्रिकेट वर्ल्डकपच्या इतिहासात आजवर कोणत्याही संघाला सलग ८ वेळा पराभूत केले नाही. फक्त भारतानेच पाकीस्तानविरूद्ध हा विक्रम नोंदवला आहे.
सिराज सुरुवातीला महागडा ठरला पण त्याने अब्दुल्ला शफीकच्या रूपाने भारताला ब्रेक दिला. त्यांच्याशिवाय बुमराह आणि कुलदीप यांनीही दुसऱ्या टोकाला विकेटसाठी दबाव कायम ठेवला. सिराज, बुमराह आणि पांड्या-कुलदीप यांनी प्रत्येकी २ बळी घेतले. याशिवाय जडेजानेही 2 बळी घेत पाकिस्तान संघाला 200 धावांआधीच गुंडाळले.
भारतीय कर्णधार रोहित शर्मा लाँग लॉब सिक्सर मारण्यासाठी ओळखला जातो. त्याने पाकिस्तानविरुद्ध 6 षटकारही मारले होते. यासह रोहित शर्मा एकदिवसीय क्रिकेटच्या इतिहासात सर्वाधिक षटकार ठोकणाऱ्या फलंदाजांच्या यादीत तिसऱ्या स्थानावर आहे.
भारताविरुद्ध डावाची सलामी देण्यासाठी आलेला अब्दुल्ला शफीक २० धावा करून स्वस्तात बाद झाला आणि इमाम उल हक ३६ धावा करून स्वस्तात बाद झाला. मात्र, कर्णधार बाबर आझमने ५० धावांची आणि रिझवानने ४९ धावांची खेळी केली. हे दोन खेळाडू बाद झाल्यानंतर भारतीय गोलंदाजीसमोर पाकिस्तानी संघाची कामगिरी खराब झाली.