Kiran mane : अभिनेता किरण माने आपल्या बेधडक स्वभावामुळे किरण माने चर्चेत असतात. सध्या अशीच एक किरण मानेंची पोस्ट सोशल मीडियावर व्हायरल होत आहे. अभिनेत्री भूमी पेडणेकरच्या ‘Thank You For Coming’ या सिनेमाचे त्यांनी कौतुक केले आहे.
यावर त्यांनी एक पोस्ट लिहिली आहे. याबाबत ते म्हणाले, मागच्या आठवड्यात एका जाणकार समीक्षकाने लिहिलं होतं की, ‘क्लायमॅक्स फसलाय, पण सिनेमा छान आहे, वाचून म्हणाले, च्यायला हे कसं शक्य आहे? क्लायमॅक्स फसणारी कुठलीही गोष्ट चांगली कशी असू शकते.
उत्तम क्लायमॅक्ससाठी तर आयुष्यात सगळा झगडा सुरू असतो आपला असो. तर अशा एका अति महत्त्वाच्या ‘क्लायमॅक्स’ बद्दल बिनधास्त बोलनारा भन्नाट पिक्चर परवा बघितला… ‘थॅंक यू फॉर कमिंग’! सेक्समध्ये स्त्रियांना हव्या असणार्‍या ‘ऑरगॅजम’बद्दल मनोरंजनातनं काहीतरी सांगू पहाणारा असा भारतीय ‘मेन स्ट्रीम’ सिनेमा मी पाहिला नव्हता.
कामसूत्र ग्रंथात लिहीलंय की सेक्समध्ये स्त्रियांच्या लैंगिक सुखालाही समान महत्त्व आहे. उत्तम सेक्स तोच असतो ज्यात स्त्री आणि पुरुष दोघेही एकत्र तृप्तीच्या चरमसीमेपर्यंत अर्थात क्लायमॅक्सपर्यन्त पोहोचतात.
पुरूषांसाठी स्त्रिचा ‘जी पाॅईंट’ शोधणं जितकं कठीण, तितकंच स्त्रिसाठी त्या गोष्टीचं महत्त्व एक्सप्लेन करणं अवघड. ते काम या दोघींनी अतिशय सहजपणे केलंय. सेक्स विशेषत: स्त्रियांनी सेक्सवर मोकळेपणानं बोलण्यामुळं ज्यांच्या भावना दुखावतात, त्या भावांनी हा सिनेमा जिथे लागलाय, त्या थिएटरच्या जवळपासबी फिरकू नये.
‘थॅंक यू फॉर कमिंग’ लैच ग्रेट नसला तरी एकवेळ आवर्जुन बघणेबल नक्कीच हाय, तसेच महिलांचे ऑरगॅजम किती महत्त्वाचे हे पुरुषांना माहितच नसते. फक्त सेक्सकडे केवळ दोन चार मिनिटांचा खेळ आहे, असा समज असणाऱ्या पुरुषांसाठी हा सिनेमा अत्यंत महत्त्वाचा आहे, असेही किरण माने म्हणाले.