गेल्या काही दिवसांपासून राज्यात भीषण अपघाताच्या घटनांमध्ये मोठ्या प्रमाणावर वाढ झाली आहे. आता अशीच एक भीषण अपघाताची घटना कोल्हापूरमधून समोर आली आहे. कोल्हापुरात आज मध्यरात्रीच्या सुमारास भीषण अपघात झाला असून एकाच कुटुंबातील तीन जणांचा मृत्यू झाला आहे. यामुळे हळहळ व्यक्त व्यक्त केली जात आहे.
त्याचबरोबर यामध्ये चार जण जखमी झाले आहेत. नीलू गौतम (वय. ४३), रिद्धिमा गौतम (वय. १७) आणि सार्थक गौतम (वय.१३) अशी मृतांची नावे आहेत. गोव्याहून मुंबईला जाणारी खाजगी बस कोल्हापूर शहराजवळ राधानगरी मार्गावर पुईखडीजवळ उलटल्याने हा अपघात झाला.
हा अपघात इतका भीषण होता की, यामध्ये तिघांचा जागेवरच मृत्यू झाला आहे. खाजगी कंपनीची ट्रॅव्हल्स बस गोव्याहून मुंबईला चालली होती. दरम्यान, पहाटे दोनच्या सुमारास हीच बस कोल्हापूर शहरानजीक पुईखडीला भरधाव वेगात असताना पलटी झाली. यामुळे गर्दी झाली होती.
अपघातानंतर कोल्हापूर मनपाचे अग्निशमन दल आणि पोलीस घटनास्थळी दाखल झाले. यानंतर बचाव कार्य राबवून जखमींना तातडीने उपचारासाठी रुग्णालयात पाठवण्यात आले. त्यांची प्रकृती सध्या स्थिर असून रुग्णालयामध्ये उपचार सुरू आहेत.
दरम्यान, सध्या राज्यात भीषण अपघाताच्या घटनांमध्ये मोठ्या प्रमाणावर वाढ झाली आहे. अशीच एक भीषण अपघाताची घटना कोल्हापूरमधून समोर आली आहे. कोल्हापुरात आज मध्यरात्रीच्या सुमारास भीषण अपघात झाला असून एकाच कुटुंबातील तीन जणांचा मृत्यू झाला आहे.
या अपघातानंतर याठिकाणी वाहतूक कोंडी झाली होती. यानंतर पोलिसांनी वाहतूक सुरळीत चालू केली. याबाबत पोलीस प्रशासन पुढील तपास करत आहेत.