Accident News: झारखंडच्या जमशेदपूर येथून एक दुःखद बातमी समोर आली आहे. यामुळे हळहळ व्यक्त केली जात आहे. या अपघातात ६ तरुणांचा मृत्यू झाला आहे. यामुळे एकच खळबळ उडाली. या घटनेमुळे मोठी पळापळ झाली. जमशेदपूरमध्ये हा अपघात झाला आहे.
नववर्षाच्या पहिल्याच दिवशी झारखंडमधील जमशेदपूरमध्ये भीषण अपघात झाला. भरधाव वेगानं धावणाऱ्या कारचा अपघात झाल्याने ६ तरुण जागीच ठार झाले. हा अपघात बिष्टूपूर पोलीस ठाण्याच्या हद्दीत येणाऱ्या सर्किट हाऊस परिसरात सोमवारी (१ जानेवारी) पहाटे ५ वाजण्याच्या सुमारास झाला.
अपघातग्रस्त कारमध्ये एकूण ८ तरुण होते. त्यातील ६ जणांचा जागीच मृत्यू झाला. तर दोन जण गंभीर जखमी झाले. जखमी तरुणांना तातडीने रुग्णालयात दाखल करण्यात आले आहे.
अपघाताची माहिती मिळताच पोलीस घटनास्थळी दाखल झाले. त्यांनी मृतदेह ताब्यात घेऊन शवविच्छेदनासाठी पाठवले. पोलिसांनी कारमधील तरुणांची ओळख पटवली असून ते सर्व आदित्यपूर येथील रहिवासी आहेत. वाचलेले ते दोघे बाबा आश्रम परिसरात राहणारे आहेत.
पोलिसांनी दिलेल्या माहितीनुसार, हे तरुण नववर्षाच्या स्वागताच्या पार्टीसाठी एका हॉटेलमध्ये गेले होते. ते तिथून परतत असताना कारचा भीषन अपघात झाला. कार चालवणारा तरुण दारूच्या नशेत होता. त्याच्याच चुकीमुळे हा अपघात घडला.
अपघाताची माहिती मिळताच तरुणांच्या कुटुंबियांना धक्का बसला. त्यांनी पोलिसांकडून कारचा तातडीने तपास करण्याची मागणी केली आहे. या अपघातामुळे जमशेदपूर शहरात हळहळ व्यक्त केली जात आहे. पोलिसांनी अपघाताचा तपास सुरू केला आहे.