Anushka Virat Kohli : नुकताच झालेल्या क्रिकेट वर्ल्डकपमध्ये भारतीय संघाचे पुन्हा एकदा विश्वचषक ट्रॉफी जिंकण्याचे स्वप्न अधुरे राहिले आहे. यामुळे देश नाराज झाला. मात्र अंतिम सामना सोडला तर सर्व सामने भारताने जिंकले.
यामुळे भारतीय खेळाडू देखील नाराज झाले. विराट कोहलीही आयसीसी विश्वचषक २०२३ च्या अंतिम सामन्यात ऑस्ट्रेलियाकडून झालेल्या पराभवामुळे दु:खी झाला होता. विश्वचषकात सर्वाधिक धावा केल्याबद्दल कोहलीला टूर्नामेंटमधील सर्वोत्तम खेळाडू म्हणून पुरस्कार मिळाला.
दरम्यान, पराभवानंतर विराट कोहलीने त्याची पत्नी अनुष्का शर्माची स्टँडमध्ये भेट घेतली. यावेळी विराट खचला होता. अनुष्काने निराश कोहलीला मिठी मारून धीर देण्याचा प्रयत्न केला. सध्या अनुष्काने कोहलीला मिठी मारतानाचा फोटो सोशल मीडियावर व्हायरल होत आहे.
कोहलीला असे तुटलेले पाहून तीसुद्धा प्रचंड निराश होती. मात्र तिने विराटला धीर दिला. दरम्यान, कोहलीने ६० चेंडूत ५४ धावांची खेळी खेळली आणि त्याला ऑस्ट्रेलियन कर्णधार पॅट कमिन्सने बोल्ड केले. मात्र त्याचा उपयोग झाला नाही.
दरम्यान, विश्वचषक २०२३ मध्ये विराट कोहली जबरदस्त फॉर्मात दिसला. एक सामना सोडला तर त्याने सगळ्या सामन्यात धावा केल्या. ११ डावांपैकी ९ डावांमध्ये त्याने अर्धशतके झळकावली. टीमच्या अनेक सामन्यात तो हिरो ठरला.
विराटने या टूर्नामेंटमध्ये एकूण ७६५ धाव केल्या, ज्यात ३ शतके आणि ६ अर्धशतकांचा समावेश आहे. हा एक विश्वविक्रम आहे. यामुळे त्याला पुरस्कार देखील मिळाला. मात्र त्याला वर्ल्डकप जिंकून देता आला नाही.