राज्याचे राजकारण सध्या चांगलेच तापलेले आहे. अजित पवार यांनी आणि त्यांच्या काही आमदारांनी शिवसेना-भाजपसोबत हात मिळवला आहे. तसेच सत्तेत जाऊन मंत्रिपदांची शपथ घेतली आहे. त्यामुळे शरद पवारांना मोठा धक्का बसला आहे.
अजित पवारांच्या या भूमिकेनंतर अजून राज्यात काही मोठे राजकीय भूकंप होण्याची शक्यता वर्तवण्यात येत आहे. असे असताना आता एक मोठी बातमी समोर आली आहे. महाविकास आघाडीतील घटक पक्ष काँग्रेसच्या एका आमदाराने मातोश्रीवर जाऊन उद्धव ठाकरे यांची भेट घेतली आहे.
काँग्रेसच्या आमदार प्रतिभा धानोरकर यांनी मातोश्रीवर जाऊन उद्धव ठाकरे यांची भेट घेतली आहे. त्या वरोरा विधानसभा मतदार संघाच्या आमदार आहे. त्यांनी उद्धव ठाकरे यांनी भेट घेतल्यामुळे ठाकरे आता मित्र पक्ष असलेल्या काँग्रेसलाच धक्का देणार का? अशी चर्चा होत आहे.
काँग्रेसचे खासदार बाळू धानोरकर यांची मे महिन्यात निधन झाले होते. ते चंद्रपूर लोकसभा मतदार संघाचे खासदार होते. त्यांच्या निधनामुळे आता तिथे पोटनिवडणूक लागणार आहे. त्यामुळे प्रतिभा धानोरकर यांनी उद्धव ठाकरे यांची भेट घेतली आहे.
प्रतिभा धानोरकर ही लोकसभेची पोटनिवडणूक ठाकरे गटाकडून लढवण्यास इच्छुक असल्याचे म्हटले जात आहे. त्यासाठी त्या काँग्रेसच्या आमदारकीचा राजीनामा देऊन ठाकरे गटात येण्यासही तयार असल्याचे म्हटले जात आहे.
प्रतिभा धानोरकर या जर ठाकरे गटात आल्या तर तो काँग्रेससाठी मोठा धक्का असणार आहे. धानोकर कुटूंब हे २०१९ आधी शिवसेनेतच होते. पण २०१९ च्या लोकसभेच्या निवडूकांचे काही दिवस आधीच बाळू धानोरकर यांनी काँग्रेसमध्ये प्रवेश केला होता.