बुलढाण्यातील पिंपळगाव सराई ते सैलानी रस्त्याजवळ भीषण अपघात झाला आहे. यामुळे एकच खळबळ उडाली आहे. या रस्त्यावर मिक्सर ट्रकने दुचाकीला जबर धडक दिली. हा अपघात खूपच भीषण होता. याबाबत तपास सुरू आहे.
या अपघातात एकाचा जागीच मृत्यू झाला आहे. तर एक जण गंभीर जखमी आहे. पिंपळगाव सराई ते सैलानी रस्त्यावरील मारुती मंदिरासमोर हा अपघात झाला आहे. रोडचे साहित्य वाहून नेणाऱ्या मिक्सर ट्रकने मोटरसायकलला जबर धडक दिली.
हे पती-पत्नी वाशीम जिल्ह्यातील रिसोड तालुक्यातील मोहगाव हाडे येथील राहणारे आहेत. यामध्ये संजय तुकाजी हाडे (५०) यांचा जागीच मृत्यू झाला आहे. तसेच या अपघातात त्यांची पत्नी रंजना संजय हाडे (४५) गंभीर जखमी झाल्या आहेत.
दरम्यान, या भीषण अपघातात दुचाकीचा चक्काचूर झाला आहे. ट्रकचा वेग खूप जास्त असल्याचे स्थानिकांनी सांगितले. या अपघातानंतर मोटरसायकल व मिक्सर ट्रक रायपूर पोलीस स्टेशनला नेण्यात आला आहे.
याबाबत रायपूर पोलिसांत ट्रक चालकाविरोधात गुन्हा दाखल करत अटक केली आहे. अपघाताची
माहिती मिळताच पोलिसांनी घटनास्थळी धाव घेतली. या अपघातातील जखमी महिलेला बुलढाणा जिल्हा रुग्णालयात दाखल करण्यात आले आहे.