Kolhapur Crime : कोल्हापूर जिल्ह्यातील (Kolhapur Crime) हातकणंगले तालुक्यात घुणकी या गावामध्ये एक धक्कादायक घटना घडली आहे. याठिकाणी ट्रॅक्टर ड्रायव्हर म्हणून ठेवल्यानंतर मालकीणीकडेच वाईट नजरेने पाहू लागल्यानंतर त्याला कामावरून काढून टाकले.
असे असताना मात्र त्याने त्याच रागातून मालकिणीचा खून केल्याचा प्रकार समोर आला आहे. या घटनेमुळे एकच खळबळ उडाली आहे. याबाबत पोलीस तपास करत आहेत. सुनील जाधव हा सनदे यांच्या ट्रॅक्टरवर चालक होता. तो सराईत गुन्हेगार सुद्धा आहे.
दरम्यान, सुषमा गुरांना घेऊन चालण्यासाठी गेल्या होत्या. त्या दिवसभरात परत न आल्याने शोध सुरू करण्यात आला. शोधाशोध केल्यावर त्यांचा ऊसाच्या फडामध्ये मृतदेह आढळून आला. यामुळे एकच खळबळ उडाली.
दरम्यान, आरोपी विरोधात पुण्यामध्ये अनेक ठिकाणी गुन्हे दाखल आहेत. त्यानेच हा खून केल्याचे स्पष्ट झाले. सनदे यांच्या ट्रॅक्टरवर सुनील हा ड्रायव्हर होता. तो सुषमा यांच्याकडे वाईट नजरेने पाहू लागला होता. त्यामुळे त्याला कामावरून काढून टाकले होते.
तो राग त्याच्या मनामध्ये होता. याच रागातून त्याने हा खून केला. पोलिसांनी त्याला पुण्यातून ताब्यात घेतले आहे. संशयिताचे नाव समोर आल्यानंतर तीन पथकांच्या माध्यमातून तपास सुरू केला होता. तो पुण्यात येणार असल्याची माहिती समोर आली होती.
पुण्यातील शिवाजीनगर बसस्थानकावर येणार असल्याची माहिती मिळाल्यानंतर पथक पाठवून अटक करण्यात आली. याबाबत सुषमा यांचे पती अशोक सनदे यांनी पोलीस ठाण्यामध्ये फिर्याद दिली. यावेळी संशयित म्हणून सुनीलविरोधात फिर्याद दिली.