Neel Nanda Passes Away : नवी दिल्ली. मनोरंजन विश्वातून एक धक्कादायक बातमी समोर आली आहे. प्रसिद्ध कॉमेडियनचे निधन झाले आहे. कॉमेडियन नील नंदा यांनी वयाच्या अवघ्या ३२ व्या वर्षी अखेरचा श्वास घेतला.
त्यांच्या निधनाची बातमी ऐकून चाहत्यांना धक्का बसला आहे. एवढ्या लहान वयात एवढी कीर्ती मिळवलेला नील नंदा इतक्या लवकर जगाचा निरोप घेईल असे कुणालाही वाटले नव्हते.
नील नंदा यांच्या मृत्यूचे कारण अद्याप समोर आलेले नाही. नील अमेरिकेतील लॉस एंजेलिसमध्ये राहत होता. नील ‘जिमी किमेल लाइव्ह!’ आणि ‘कॉमेडी सेंट्रल’साठी ओळखला जात होता. नील हा लॉस एंजेलिसमध्ये राहणारा भारतीय होता. त्यांना लहानपणापासूनच कॉमेडीची आवड होती.
मोठे झाल्यानंतर नीलने कॉमेडीमध्ये करिअर केले. मीडिया रिपोर्ट्सनुसार, रविवारी नीलचे मॅनेजर ग्रेग वाईज यांनी चाहत्यांना त्याच्या मृत्यूची माहिती दिली. याविषयी बोलताना ते म्हणाले, ‘मी अत्यंत दुःखाने सांगतो की, माझे 11 वर्षांचे क्लायंट नील नंदा यांचे निधन झाले आहे.’
ग्रेग यांनी त्यांचे वर्णन एक महान विनोदी अभिनेता आणि एक अद्भुत माणूस म्हणून केले. नीलच्या निधनाने चाहते शोक करत आहेत. अनेक क्लब आणि त्याच्या मित्रांनीही त्यांना सोशल मीडियावर श्रद्धांजली वाहिली आहे.
त्यांच्या स्मरणार्थ अनेक पोस्ट करण्यात आल्या आहेत. सर्वांनी जड अंतःकरणाने त्यांचा निरोप घेतला. नील नंदा यांनी काही दिवसांपूर्वी त्यांचा ३२ वा वाढदिवस मोठ्या थाटामाटात साजरा केला होता.
