Pune News : सध्या पुणे शहरात ऑनलाईन डेटिंग ॲपमुळे होणाऱ्या फसगतींच्या घटना बऱ्याच वेळा समोर येत आहे. आता देखील अशीच एक घटना समोर आली आहे. डेटिंग ॲपच्या माध्यमातून झालेल्या ओळखीतून तरुणाला लुटल्याचा प्रकार पुण्यातल्या खराडीत घटना आहे.
यामुळे एकच खळबळ उडाली आहे. एका हॉटेलमध्ये ही घटना घडली आहे. याबाबत चंदनगर पोलीस ठाण्यात गुन्हा दाखल करण्यात आला आहे. घटनेनंतर आरोपी अद्याप फरार आहे. पोलीस सध्या आरोपीचा तपास करत आहेत.
याबाबत सीकींग अॅडव्हेंचर या डेटिंग साईटवरून दोघांची ओळख झाली. त्यानंतर दोघांनी नंबर एक्स्चेंज करुन टेलिग्रामवर चॅट सुरु केले. यानंतर त्यांची चांगली ओळख झाली. आरोपी तरुणीने भेटण्यासाठी तरुणाला रुम बूक करायला सांगितली. यावेळी भयंकर घटना घडली.
यावेळी आरोपी आणि तिच्या मित्राने फिर्यादी तरुणाला मारहाण केली. फिर्यादीचा मोबाईल जप्त केला तसेच ऑनलाईन २० हजार रुपये ट्रान्सफर करून घेतले. या प्रकरणी एका ३७ वर्षीय तरुणाने फिर्याद दिली आहे. घटनेनंतर तरुण घाबरला होता.
तसेच त्याला दमदाटी करून कोणाला सांगितले तर बलात्काराची केस करेल असेही सांगितले यामुळे हा तरुण घाबरला. नंतर फिर्यादी तरुणाने चंदननगर पोलीस ठाण्यात तक्रार दिली असून पुढील तपास सुरू आहे. अशा प्रकारे पुण्यात सध्या अनेक घटना घडत आहेत.