पुण्यात खुनाची धक्कादायक घटना समोर आली आहे. विजय ढूमे नावाच्या व्यक्तीचा लोखंडी गज आणि फावड्याने सपासप वार करून खून केल्याची घटना समोर आली आहे. या घटनेमुळे पुण्यात खळबळ उडाली आहे. याबाबत पोलीस तपास करत आहेत.
सिंहगड रोड परिसरातील क्वालिटी लॉजजवळ आज सायंकाळच्या सुमारास ही घटना घडली. पोलिस घटनस्थली दाखल झाले आहेत. क्वालिटी लॉजमधून बाहेर आल्यावर पाच ते सहा हल्लेखोरांनी त्यांच्यावर लोखंडी गज आणि फावड्याने हल्ला केला.
ढूमे हे रक्तच्या थारोळ्यात पडले होते. त्यातच त्यांचा मृत्यू झाला आहे. विजय ढूमे हे एका सेवानिवृत्त पोलिसांचा मुलगा आहे. तसेच त्यांचे अनेक मोठ्या राजकीय व्यक्तींशी चांगले मैत्रीचे संबंध आहेत. यामुळे ही घटना कशामुळे घडली याबाबत तपास सुरू आहे.
या खुनाच्या घटनेने पुणे शहर हादरले आहे. त्यांचा खून नेमका कोणत्या कारणाने झाला याचा तपास पोलिसांकडून केला जात आहे. सीसीटीव्हीमधून हल्लेखोरांचा शोध घेतला जाणार आहे. त्यामुळे पोलिसांनी कसून कारवाईला सुरुवात केली आहे
दरम्यान, या घटनेचा अधिक तपास सिंहगड रोड पोलिसांकडून केला जात असून गुन्हा दाखल करण्याचे काम सुरू आहे. याबाबत काही राजकीय कनेक्शन आहे का याचा देखील पोलिसांकडून तपास केला जात आहे.