दुचाकी रस्त्याच्या कडेला असलेल्या खांबाला आदळल्याने एका तरुणाचा जागीच मृत्यू झाला आहे. यामुळे दुःख व्यक्त केले जात आहे. भंडारा जिल्ह्यात ही घडली आहे. यामध्ये एका तरुणाचा मृत्यू झाला असून एक जण गंभीर जखमी झाला आहे.
येथील मोहाडी तालुक्यात रामटेक-तुमसर राष्ट्रीय महामार्गावर सालई शिवारात हा अपघात घडला आहे. या अपघातात दुचाकीच्या पुढील भागाचा चक्काचूर झाला. दुचाकी ही खांबावर आदळली त्यामुळे दोन्ही तरुण हवेत फेकले गेले.
रात्रीच्या वेळी हा अपघात झाला आहे. मृत तरुणाचे नाव शुभम प्रकाश भोयर असे आहे. या अपघाती निधन झाल्याने तरुणाच्या घरावर शोककळा पसरली आहे. मुलगा घरी येणार म्हणून आई वाट पाहत होती मात्र या धक्कादयक घटनेमुळे आईला मोठा धक्का बसला.
हा अपघात सालई गाव शिवारात घडला. घटनेनंतर जखमी तरुणाला रुग्णालयात दाखल करण्यात आले आहे. त्याच्यावर उपचार सुरू आहेत. या अपघाताने मात्र कुटूंबाला मोठा धक्का बसला आहे. याबाबत पोलीस तपास करत आहेत.
दरम्यान, समृद्धी महामार्गावर देखील भीषण अपघात झाला आहे. या अपघातात एकाचा मृ्त्यू तर इतर प्रवाशी गंभीर जखमी आहेत. कार चालवत असताना अचानक टायर फुटला यामुळे हा अपघात झाला.
नंतर वाहन चालकाचे कारवरील नियंत्रण सुटले. त्यामुळे मोठी दुर्घटना घडली. कार रस्त्यावर असलेल्या दुभाजकाला धडकली आणि एका तरुणाला आपला जीव गमवावा लागला. सध्या मोठ्या प्रमाणात अपघातांची मालिका सुरूच आहे.