Dhananjay Munde : अजित पवारांना मोठा धक्का! धनंजय मुंडेंनंतर एका बड्या मंत्र्याचा तडकाफडकी राजीनामा!
Dhananjay Munde : राष्ट्रवादी काँग्रेस (अजित पवार गट) आणि राज्याचे वैद्यकीय शिक्षण मंत्री हसन मुश्रीफ यांनी वाशिम जिल्ह्याच्या पालकमंत्री पदाचा राजीनामा दिला आहे. त्यांच्या या अचानक घेतलेल्या निर्णयामुळे राजकीय वर्तुळात उलटसुलट चर्चा सुरू झाल्या आहेत. पालकमंत्री म्हणून नियुक्ती मिळाल्यानंतर काही महिन्यांतच त्यांनी जबाबदारी सोडल्याने अनेक तर्क-वितर्क लावले जात आहेत.
लांबच्या प्रवासामुळे अडचण?
हसन मुश्रीफ हे कोल्हापूरचे आमदार आहेत आणि वाशिमच्या पालकमंत्रीपदाची जबाबदारी सांभाळणे त्यांच्यासाठी मोठं आव्हान ठरत होतं. कोल्हापूर ते वाशिम हा सुमारे 600 किमीचा प्रवास असल्याने त्यांचा बराच वेळ मार्गक्रमण करण्यात जात होता. याचा त्यांच्या मूळ मतदारसंघातील कामांवर परिणाम होत असल्याने त्यांनी हे पद सोडण्याचा निर्णय घेतल्याची माहिती समोर आली आहे.
महायुती सरकारमध्ये वादाला तोंडफुटी?
हसन मुश्रीफ यांच्या राजीनाम्यामुळे महायुती सरकारमधील अंतर्गत मतभेद चव्हाट्यावर येण्याची शक्यता आहे. नाशिक आणि रायगड जिल्ह्याच्या पालकमंत्री पदांचा तिढा अद्याप सुटलेला नाही, त्यामुळे पालकमंत्रीपदांवरून सुरू असलेल्या चर्चांना मुश्रीफ यांच्या निर्णयामुळे नवे वळण मिळाले आहे.
वाशिमचा नवा पालकमंत्री कोण?
मुश्रीफ यांनी पद सोडल्यानंतर *वाशिमच्या पालकमंत्री पदाची जबाबदारी कोणाकडे दिली जाईल, याकडे सर्वांचे लक्ष लागले आहे. राष्ट्रवादी काँग्रेसचे (अजित पवार गट) मंत्री *दत्ता भरणे यांच्याकडे सध्या कोणत्याही जिल्ह्याच्या पालकमंत्रीपदाची जबाबदारी नाही, त्यामुळे हे पद त्यांच्याकडे दिले जाऊ शकते, अशी शक्यता वर्तवली जात आहे.
महायुतीत अजूनही नाराजीचे सूर
महायुती सरकारमध्ये काही मंत्री पालकमंत्रीपदाची जबाबदारी घ्यायला तयार नाहीत, तर काहींना अपेक्षित पद मिळत नसल्याने *आतल्या गाठीची नाराजी आहे. हसन मुश्रीफ यांच्या निर्णयामुळे या वादाला आणखी हवा मिळू शकते. अशा परिस्थितीत *अजित पवार गट यावर काय भूमिका घेणार, यावर पुढील राजकीय समीकरणे अवलंबून असतील.
