Valmik Karad : वाल्मिक कराडविरोधात पोलिसांना विरोधात सापडला सबळ पुरावा, ३ आयफोनचा डेटा रिकव्हर, नवीन माहिती समोर
Valmik Karad : सरपंच संतोष देशमुख हत्या प्रकरणात (Santosh Deshmukh Murder Case) नवे धक्कादायक तपशील समोर आले आहेत. *पोलिसांनी दाखल केलेल्या आरोपपत्रानुसार वाल्मिक कराड (Walmik Karad) हा मुख्य सुत्रधार असल्याचे स्पष्ट झाले आहे. तपास यंत्रणांनी कराडविरोधात पुरावे गोळा केले असून *SIT ला त्याच्या तीन आयफोनमधील डेटा रिकव्हर करण्यात यश आले आहे.
आयफोनमधील डिलीट डेटा उघड – SIT कडून मोठा पुरावा
वाल्मिक कराडने iPhone 15 Pro, iPhone 13 Pro आणि iPhone 13 Pro हे तीन महागडे मोबाईल वापरत होते. त्यातील *25 ऑगस्ट 2024 ते 7 जानेवारी 2025 दरम्यानचा संपूर्ण डेटा त्याने डिलीट केला होता. मात्र, *SIT ने फॉरेन्सिक तज्ज्ञांच्या मदतीने हा डेटा पुनर्प्राप्त केला असून तो तपासासाठी वापरण्यात येणार आहे.
कराडकडे मोठ्या प्रमाणात संपत्ती – SIT कडून चौकशी सुरू
वाल्मिक कराड आणि त्याच्या पत्नीच्या नावावर *राज्यात विविध ठिकाणी मोठ्या प्रमाणावर संपत्ती असल्याचे उघड झाले आहे. तसेच, कराडच्या मालकीच्या 8 महागड्या गाड्या जप्त करण्यासाठी SIT ने न्यायालयात अर्ज दाखल केला आहे.
ही वाहने खालीलप्रमाणे आहेत:
- Mercedes-Benz
- BMW
- Toyota Innova
- Ford Endeavour
- Ashok Leyland
- JCB India Limited
खंडणीच्या आरोपावर नवे पुरावे
कराडच्या वकिलांनी त्याने कोणतीही खंडणी मागितली नसल्याचा दावा केला होता, मात्र SIT कडे आता ठोस पुरावे आहेत.
पुराव्यानुसार, अवादा कंपनीच्या एका व्हिडिओत सुदर्शन घुले याने स्पष्टपणे सांगितले आहे की, ‘१०० लोक सांभाळण्यापेक्षा कराड यांना सांभाळा, दोन कोटी रुपये द्या, तर तुमचं काम सुरू होईल’. या संभाषणात असेही स्पष्ट होते की *कराड यांना काही गोष्टींची माहिती मिळाल्यानंतर ते संतापले होते आणि त्यांनी तातडीने पैसे देण्याची मागणी केली होती.
कराड अडचणीत – पुढील कारवाईकडे लक्ष
या नव्या पुराव्यांमुळे वाल्मिक कराडसाठी अडचणी वाढल्या आहेत. त्याच्यावर काय कारवाई होते आणि तपासातून आणखी काय माहिती समोर येते, याकडे संपूर्ण राज्याचे लक्ष लागले आहे.
