अभिनेते किरण माने हे नेहेमी चर्चेत असतात. ‘मुलगी झाली हो’ या मालिकेमधून ते प्रत्येकाच्या घरात पोहोचले. त्यांच्या अनेक फेसबुक पोस्ट व्हायरल होतात आणि त्या पोस्टच्या कमेंट बॉक्समध्ये इतर युजर्सकडून चर्चासत्र रंगते. अनेकदा या फेसबुक पोस्टमुळे माने वादातही सापडले आहेत.
आता असाच काहीसा प्रकार घडला आहे. आता त्यांनी फेसबुकवर एक मीम शेअर केले आहे, ज्यामुळे माने एका नव्या वादामध्ये अडकू शकतात. यामध्ये द डार्क नाइट चित्रपटाचा फोटो आहे. या फोटोवर एक मराठी वाक्य एडिट करुन मीम तयार करण्यात आले आहे.
हे मीम त्यांनी त्यांच्या फेसबुकवर शेअर केले आहे. यामुळे याची सध्या जोरदार चर्चा सुरू झाली आहे. पुन्हा एकदा सांगतो लक्षात घे, भारतात मुस्लीम आहे म्हणून तुम्ही हिंदू आहात. नंतर तुम्ही खालच्या किंवा वरच्या जातींचे राहणार, असे यावर म्हटले आहे.
तसेच हे मीम लै खोल हाय. एका फटक्यात भानावर आननारं हाय. बघा. विचार करा, असे कॅप्शनही दिले आहे. यामुळे वाढ निर्माण होण्याची शक्यता आहे. अनेकांनी या मीममधील वाक्यावर सहमती दर्शवली तर अनेकांनी सडकून टीका केली आहे.
तसेच एकाने माने यांच्यावर टीका करत ‘तुम्ही कोण आहात, भविष्यात राहणार का?’ असा सवाल उपस्थित केला आहे. यामुळे नवीन वादाला तोंड फुटू शकते. अभिनेते किरण माने यांनी ‘मुलगी झाली हो’ ही मालिका आणि ‘बिग बॉस मराठी सीझन ४’मधून प्रेक्षकांचे मनोरंजन केले.
सध्या ते ‘सिंधूताई माझी माई- गोष्ट चिंधीची’ या मालिकेतून प्रेक्षकांच्या भेटीला येत आहेत. दरम्यान किरण सोशल मीडियावर विशेष चर्चेत असतात. यामुळे अनेकदा वादही वाढत असतो.