एका मराठमोळ्या अभिनेत्याने आपल्या आई- वडिलांना एक खास भेट दिली आहे. यामुळे याचे फोटो सध्या सोशल मीडियावर व्हायरल झाले आहेत. छोट्या पडद्यावरील या लोकप्रिय अभिनेत्याने आई- वडिलांसाठी गाडी खरेदी केली आहे आणि त्यांना ती भेट म्हणून दिली आहे. या अभिनेत्याचे नाव आहे अक्षर कोठारी.
ही भेट मिळाल्यानंतर त्याच्या आई- वडिलांचा आनंदही चेहऱ्यावरून ओसंडून वाहताना दिसतोय. स्वाभिमान’ मालिकेमुळे तो पुन्हा चाहत्यांचा लाडका झाला. शंतनू आणि पल्लवी यांची जोडीही प्रेक्षकांना प्रचंड आवडायची. यामुळे ते फेमस झाले आहेत.
काही महिन्यांपूर्वीच या मालिकेने प्रेक्षकांचा निरोप घेतला. सध्या त्याने एक व्हिडिओ शेअर केला आहे. तो नव्या गाडीचे स्वागत करताना दिसत आहे. तर त्याचे वडील गाडी चालवताना दिसतायत. गाडीसोबत पोज देताना दिसत आहेत. अनेकांनी हा व्हिडिओ बघून आनंद व्यक्त केला आहे.
हा व्हिडिओ शेअर करत त्याने म्हटले आहे की, नेहमी शोधूनच आनंद सापडतो असे नाही तर शोधण्यातही एक आनंद असतो. ज्यांनी मला घडवले. त्यांच्यासाठी छोटीशी भेट. यावर अनेकांनी प्रतिक्रिया व्यक्त करून अभिनंदन केले आहे.
नंतर नेटकऱ्यांनी म्हटले की, आम्हाला तुझा अभिमान आहे. मुलगा असावा तर असा, असे म्हणत अभिनंदन देखील केले आहे. सध्या ही पोस्ट सध्या सोशल मीडियावर व्हायरल होत आहे. तसेच प्रतिक्रिया व्यक्त केल्या जात आहेत.
दरम्यान, अक्षरने नेहमीच आपल्या अभिनयाने प्रेक्षकांची मने जिंकून घेतली. त्याने अनेक मराठी मालिकांमध्ये मुख्य भूमिका साकारत प्रेक्षकांच्या मनात स्थान निर्माण केले आहे. यामुळे तो नेहेमीच चर्चेत असतो.