Live show of sex : देशाची आर्थिक राजधानी मुंबई शहरात एका खळबळजनक सेक्स रॅकेटचा पर्दाफाश झाला आहे, ज्यात गुगल प्ले स्टोअरवर उपलब्ध असलेल्या मोबाईल अॅपद्वारे लोकांकडून हजारो रुपये वसूल करत लाईव्ह पॉर्न व्हिडिओ दाखवले जात होते.
यासाठी दर तासाला युजर्सकडून हजारो रुपये घेतले जात होते. मोबाईल अॅपद्वारे पॉर्न दाखवल्याप्रकरणी पोलिसांनी ३ अभिनेत्रींसह ५ जणांना अटक केली आहे. माहिती देताना मुंबई पोलिसांनी सांगितले की, अॅपच्या मालकावरही गुन्हा दाखल करण्यात आला आहे.
वर्सोवा पोलिसांनी माहिती देताना सांगितले की, त्यांना गुगल प्ले स्टोअरवर ‘पिहू ऑफिशियल अॅप’ नावाच्या अॅपची माहिती मिळाली होती. या अॅपवर लाइव्ह सेक्स पाहण्यासाठी यूजर्सकडून 1,000 ते 10,000 रुपये आकारले जात होते.
पोलिसांना या अॅपची माहिती मिळताच वर्सोवा पोलिसांनी रविवारी या संदर्भात वर्सोव्यातील फोर बंगल्यातील एका फ्लॅटवर छापा टाकला. छाप्यादरम्यान पोलिसांनी 20 वर्षीय तनिषा राजेश कनोजिया, 27 वर्षीय रुद्र नारायण राऊत आणि 34 वर्षीय तमन्ना आरिफ खान यांना अॅप ऑपरेट करण्यात सहभाग असल्याच्या आरोपावरून घटनास्थळावरून अटक केली.
मीडिया रिपोर्टनुसार, मुंबई पोलीस अधिकाऱ्याने माहिती देताना सांगितले की, अटक करण्यात आलेल्या तिघांवर भारतीय दंड संहिता आणि माहिती तंत्रज्ञानाच्या संबंधित कलमांतर्गत अश्लील कृत्ये करणे, तरुणांना अश्लील साहित्य विकणे आणि समाजात अश्लीलता पसरवणे असे आरोप आहेत.
तमिळनाडूमध्ये वर्षाच्या सुरुवातीला अशीच एक घटना समोर आली होती. केंद्रीय अन्वेषण ब्युरोने एका व्यक्तीला इलेक्ट्रॉनिक माध्यमातून बाल पोर्नोग्राफी सामग्री बाळगल्याच्या आणि शेअर केल्याच्या आरोपाखाली अटक केली होती.
मीडिया रिपोर्ट्सनुसार, आरोपी 35 वर्षीय व्यक्ती गेल्या चार वर्षांपासून एका लहान मुलाचे लैंगिक शोषण करत होता. त्याने अल्पवयीन मुलाचे नग्न व्हिडिओ आणि छायाचित्रे काढली होती, जी त्याने त्याच्या ऑनलाइन क्लाउड अकाउंटवर अपलोड केली होती. याबाबत तामिळनाडू पोलिसांना माहिती मिळताच आरोपीला अटक करण्यात आली.