Ajay Devgn : बॉलिवूडची पहिली महिला सुपरस्टार श्रीदेवीने आपल्या करिअरमध्ये अमिताभ बच्चनपासून अक्षय कुमारपर्यंत सर्वांसोबत काम केले होते. प्रत्येक चित्रपटात तिची जोडी जबरदस्त हिट होती पण अजय देवगणसोबत ती कधीच जोडी बनू शकली नाही.
एकदा अशी संधी आली होती, जेव्हा दोघेही एका चित्रपटात एकत्र आले होते, पण नंतर असे काही घडले की अजय देवगणला चित्रपटातून काढून टाकले आणि याचा संपूर्ण दोष श्रीदेवीवर पडला. त्यानंतर अजय देवगणनेही आपल्या करिअरमध्ये श्रीदेवीसोबत कधीही काम करणार नसल्याचे कडक शब्दात सांगितले होते. काय आहे संपूर्ण कथा जाणून घेऊया.
हि गोष्ट ‘खुदा गवाह’च्या काळातील आहे. श्रीदेवी आधीच मोठे नाव बनली होती. मात्र, वेळोवेळी तिच्यावर विविध प्रकारचे आरोप करण्यात आले. तिच्यावर आणखी एक आरोप असा होता की ती नवीन अभिनेत्यांना धमकावते आणि तिच्या आवडीनुसार त्यांची बदली देखील करते.
1993 मध्ये, ‘स्टारडस्ट’ मध्ये एक मुलाखत प्रकाशित झाली होती, ज्यामध्ये असा दावा करण्यात आला होता की चंकी पांडेने देखील श्रीदेवीवर अनेकदा आरोप केले होते की अभिनेत्रीने त्याला दोन चित्रपटांमधून हाकलून दिले.
‘खुदा गवाह’ या चित्रपटात आपली जागा श्रीदेवीने घेतल्याचे अजय देवगणलाही वाटत होते. त्याचं झालं असं की अजय देवगणला या चित्रपटासाठी साईन करण्यात आलं होतं, यालाही त्यांनी दुजोरा दिला होता, पण अखेरच्या क्षणी अजय देवगणच्या जागी नागार्जुनला घेण्यात आलं.
त्यामुळे अजय देवगण संतापला आणि श्रीदेवीने हे कृत्य केल्याचे त्याला वाटले. कारण त्यावेळी श्रीदेवीने अजयला दाक्षिणात्य अभिनेत्याला कास्ट करण्यासाठी जाणीवपूर्वक चित्रपटातून काढून टाकल्याची जोरदार चर्चा होती.
त्यानंतर अजय देवगणने शपथ घेतली होती की, तो पुन्हा श्रीदेवीसोबत काम करणार नाही. जेव्हा श्रीदेवीला अजय देवगणच्या शपथेबद्दल समजले तेव्हा तिला धक्काच बसला. 1993 मध्ये ‘स्टारडस्ट’ला दिलेल्या मुलाखतीत ती म्हणाली होती,
‘मी कोणाला चित्रपटातून का काढू? या चित्रपटासाठी त्याला साईन केल्याचेही मला माहीत नाही. चित्रपटात कोण आहे आणि कोण नाही याने मला काय फरक पडतो, मग तो चंकी असो, अजय असो की नागार्जुन. चित्रपटात कोणाला कास्ट करायचे आणि कोणाला नाही, हे निर्मात्यांचे काम आहे, मी कोण आहे, मला जे सांगितले जाते ते मी करते. अजयच्या जागेवर मी नागार्जुनला चित्रपटात रिप्लेस केले नव्हते.
नंतर अजय देवगण आणि श्रीदेवी यांच्यात सर्व काही ठीक झाले पण दोघांनी कधीही एकत्र काम केले नाही. 2018 मध्ये जेव्हा श्रीदेवीचे निधन झाले तेव्हा अजय देवगणने शोक व्यक्त केला आणि तिचे कौतुक केले.
श्रीदेवीच्या पहिल्या पुण्यतिथीनिमित्त अजय देवगणने सांगितले होते की, मी श्रीदेवीसोबत कधीच काम करू शकत नाही पण लहानपणापासूनच श्रीदेवी ही त्यांची पहिली पसंती होती. त्यांच्या जाण्याने चित्रपटसृष्टीचे मोठे नुकसान झाले आहे.