Yavatmal Murder: यवतमाळ जिल्ह्यातून एक धक्कादायक घटना उघडकीस आली आहे. यामुळे याठिकाणी एकच खळबळ उडाली आहे. येथील कळंब तालुक्यातील तिरझडा पारधी बेड्यावर येथे मध्यरात्री एक भीषण हत्याकांड उघडकीस आले आहे. याबाबत पोलीस तपास करत आहेत.
याठिकाणी पत्नीच्या चारित्र्यावर संशय घेत जावयाने धारदार शस्त्राने वार करत पत्नी, दोन मेहुणे आणि सासऱ्याची हत्या केली आहे. गोविंद विरचंद पवार असे आरोपी जावयाचे नाव आहे. या घटनेमुळे यवतमाळमध्ये खळबळ उडाली आहे.
या घटनेत पत्नी रेखा गोविंद पवार, सासरा पंडित घोसले, मेहुणा ज्ञानेश्वर घोसले आणि सुनील घोसले यांचा मृत्यू झाला आहे. कळंब तालुक्यातील तिरझडा पारधी बेड्या येथे पती – पत्नी राहत होते. चारित्र्याच्या संशयावरून त्यांच्यात अनेकदा खटके उडत होते.
पतीला पत्नीचे विवाहबाह्य अनैतिक संबंध असल्याचा संशय होता. यामुळे रोज वाद निर्माण होत होता. यामुळे गोविंद पत्नी रेखाला नेहमी मारहाण करत होता. यामुळे ती काही दिवसांपासून माहेरी राहत होती. यामुळे त्याचे माहेरच्या लोकांसोबत वाद सुरू होते.
दरम्यान, याच वादातून हल्ला केल्याचा प्राथमिक अंदाज पोलिसांनी व्यक्त केला आहे. घटनेदिवशी पती रात्री ११ च्या सुमारास पत्नीच्या माहेरी पोहचला. त्याने सासरच्या लोकांवर अचानक धारदार शस्त्राने हल्ला केला. काही कळायच्या आतच त्याने वार केले. या घटनेत पत्नी, मेहुणा, सासऱ्याचा जागीच मृत्यू झाला.
तसेच या हल्ल्यात सासू रुखमा घोसले मध्यस्थी करत असताना गंभीर जखमी झाल्या आहेत. सासूला रुग्णालयात उपचरासाठी दाखल करण्यात आले आहे. याबाबत पोलिसांनी आरोपी जावई गोविंद विरचंद पवार याला अटक केली आहे.