Saif Ali Khan : गुरुवारी पहाटे अडीच वाजता बॉलिवूड अभिनेता सैफ अली खान आणि अभिनेत्री करीना कपूर यांच्या वांद्रे पश्चिम येथील घरी मोठी चोरी झाली. चोरीदरम्यान सैफ अली खानवरही चाकूने हल्ला करण्यात आला.
पोलिसांनी सांगितले की, सैफ अली खानला जखमी अवस्थेत लीलावती रुग्णालयात दाखल करण्यात आले आहे, जिथे त्याच्यावर उपचार सुरू आहेत. त्याला मोठी दुखापत झाली आहे असे सूत्रांनी सांगितले.
चोराशी झालेल्या झटापटीत त्याला आधी चाकूने वार करण्यात आले की तो आधी जखमी झाला हे अद्याप स्पष्ट झालेले नाही. मुंबई पोलिस आणि गुन्हे शाखा दोघेही या प्रकरणाचा तपास करत आहेत.
कशी आहे करिना?
वांद्रे पोलिसांनी एफआयआर नोंदवण्याची प्रक्रिया सुरू केली आहे आणि आरोपींना पकडण्यासाठी अनेक पथके तयार करण्यात आली आहेत. करीना कपूर आणि तिची मुले सुरक्षित आहेत.
या घटनेवर कुटुंबाने अद्याप कोणतेही अधिकृत विधान जारी केलेले नाही. सुरुवातीच्या तपासानंतर, पोलिस लवकरच या प्रकरणाची माहिती देऊ शकतात. घराभोवती बसवलेल्या सीसीटीव्ही फुटेजची तपासणी केली जात आहे.
घटनेच्या वेळी सैफ झोपला होता.
ज्या वेळी ही घटना घडली, त्यावेळी अभिनेता त्याची पत्नी करीना आणि कुटुंबातील इतर सदस्यांसह घरात झोपला होता.
पोलिसांनी दिलेल्या माहितीनुसार, चोर घरात घुसला आणि त्याने सैफ अली खानवर चाकूने वार केले. कुटुंबातील सदस्य जागे झाल्यावर चोर घटनास्थळावरून पळून गेला. पोलीस आता त्याचा शोध घेत आहेत.