सिल्क स्मिताला परिचयाची गरज नाही. विशेषत: जेव्हा तुम्ही सर्वांनी मिलन लुथरिया दिग्दर्शित आणि विद्या बालन अभिनीत ‘द डर्टी पिक्चर’ हा चित्रपट पाहिला असेल. तो 2011 मध्ये रिलीज झाला होता. आजही या सिनेमातील विद्याचा अभिनय आणि सिल्कच्या खऱ्या आयुष्याची चर्चा आहे.
विजयालक्ष्मी उर्फ सिल्क स्मिता यांचे २३ सप्टेंबर रोजी निधन झाले. पण अजूनही काही घटना आहेत ज्याबद्दल अनेकांना माहिती नाही. सिल्क स्मिताचा जन्म 2 सप्टेंबर 1960 रोजी झाला. ती आंध्र प्रदेशातील एका छोट्या गावातील रहिवासी होती. तिचे कुटुंब आर्थिकदृष्ट्या अत्यंत दुर्बल होते.
त्यांचे बालपण गरिबीत गेले. त्यानंतर कुटुंबीयांनी अभिनेत्रीचे लहान वयातच लग्न लावून दिले. पण अभिनेत्रीला सासरच्या लोकांकडून त्रास होत असे, त्यामुळे ती घरातून पळून गेली असे म्हटले जाते. त्यानंतर पैसे कमावण्यासाठी तिने चित्रपटसृष्टीत प्रवेश केला.
तिने मेकअप आर्टिस्ट म्हणून सुरुवात केली आणि नंतर तिने छोट्या छोट्या भूमिका करायला सुरुवात केली. 17 वर्षांच्या कारकिर्दीत तिने 450 चित्रपटांमध्ये काम केले होते. रिपोर्ट्सनुसार, एकदा सिल्क स्मिताच्या अर्धा खाल्लेल्या सफरचंदाचा लिलाव करण्यात आला होता.
आणि त्याची किंमत एक लाख रुपये होती. झालं असं की, अभिनेत्री सेटवर शूटिंग करत होती. तिथे ती सफरचंद खात होती पण एक घास खाऊन तिने तो सफरचंद बाजूला ठेवला. कारण दिग्दर्शकाने तिला शॉटसाठी बोलावले होते. तेव्हा सेटवर उपस्थित असलेल्या एका व्यक्तीने तिने खालले सफरचंद पाहिले आणि ते घेऊन पळून गेला.
काही मीडिया रिपोर्ट्समध्ये असा दावा करण्यात आला आहे की त्या व्यक्तीने सफरचंद 2 रुपयांना विकले. इतरांनी दावा केला की त्यासाठी त्याला 200 रुपये मिळाले पण काही रिपोर्ट्समध्ये असेही म्हटले आहे की तीने खालेल सफरचंद 26,000 रुपये किंवा अगदी 1 लाख रुपयांपर्यंत विकली होती.
कोणत्याही माहितीची कधीही पुष्टी झाली नाही, परंतु कथेने त्या वेळी बरीच मथळे केली. सिल्क स्मिताचा जन्म विजयालक्ष्मी वडलापती म्हणून झाला आणि तिने ‘वंदिचक्करम’ या तिच्या पहिल्या चित्रपटातील सिल्क या पात्राने प्रचंड लोकप्रियता मिळवली. आणि नंतर तिने तिचे स्क्रीन नाव बदलून सिल्क स्मिता ठेवले.