Hemangi Kavi : अभिनेत्री हेमांगी कवी ही एक लोकप्रिय अभिनेत्री म्हणून ओळखली जाते. ती सोशल मीडियावर हेमांगी सक्रिय असल्याचे पाहायला मिळते. सोशल मीडियावर फोटो आणि व्हिडीओ शेअर करत ती चाहत्यांच्या संपर्कात राहते. असे असताना आता ती पुन्हा एकदा चर्चेत आली आहे.
अनेकदा ती आपलं मत शोषक मीडियावर मांडत असते. यामुळे ती अनेकदा वादात देखील सापडते. अनेकदा ती ट्रोलर्सला सडेतोड उत्तर देताना दिसते. आता हेमांगीने थेट समाजासाठी घातक असलेल्या लोकांविषयी स्पष्ट मत मांडले आहे. यामुळे याची चर्चा सुरू झाली आहे.
तिने इन्स्टाग्राम अकाऊंटवरून एक पोस्ट शेअर केली आहे. या पोस्टमध्ये हेमांगी एक स्क्रिनशॉट शेअर केला आहे. तिच्या या व्हिडीओवर काही नेटकऱ्यांनी अश्लील कमेंट करण्यास सुरुवात केली होती. यामुळे ती चांगलीच संतापली आहे.
दरम्यान, व्हिडीओत हेमांगी ही चालताना दिसत असून तिच्या बॅकग्राऊंडला रणबीर कपूरच्या ‘ॲनिमल’ चित्रपटातील गाणं बॅकग्राऊंडला लावले आहे. ती हा चित्रपट पाचव्यांदा पाहायला जात असल्याचे देखील तिने त्यात सांगितले आहे.
दरम्यान, हेमांगीच्या या व्हिडीओवर कमेंट करत ट्रोल करणाऱ्या नेटकऱ्याच्या पोस्टची हेमांगीने दखल घेतली आहे. याबाबत हेमांगी म्हणाली, छत्रपती शिवाजी महाराज, गणपती बाप्पा, इंडियन आर्मी आणि प्रत्यक्षात वागतांना?? असली माणसं आतून जनावरच असतात.
माणसाचं कातडं घालून समाजात हिंडत असतात!. हे कुठल्याही चित्रपट, नाटकापेक्षा घातक आहे. चित्रपट काल्पनिक असतो पण अशी जनावरं आपल्या आजुबाजूला आहेत, खरीखुरी! वार करतात आणि पकडलेही जात नाहीत.
तसेच ती म्हणते माझ्यासाठी ही हिंसाच आहे, असेही तिने म्हटले आहे. यामुळे सध्या याची जोरदार चर्चा झाली आहे. काहींनी नंतर कुठे आहे ही कमेंट असा प्रश्न विचारला आहे.