Dhananjay Munde : धनंजय मुंडेंच्या राजीनाम्याला उशीर झाला, शपथच घ्यायला नव्हती पाहीजे, पंकजा मुंडेंची पहिली प्रतिक्रीया
Dhananjay Munde : संतोष देशमुख हत्या प्रकरणानंतर अखेर राज्याचे कृषी मंत्री धनंजय मुंडे यांनी आपल्या मंत्रिपदाचा राजीनामा दिला आहे. या प्रकरणावर प्रतिक्रिया देताना भाजप नेत्या आणि राज्याच्या पर्यावरण मंत्री पंकजा मुंडे यांनी रोखठोक भूमिका मांडली आहे.
पंकजा मुंडेंची संतोष देशमुख कुटुंबीयांसाठी संवेदना
पंकजा मुंडे यांनी संतोष देशमुख यांच्या हत्येचा तीव्र शब्दांत निषेध करताना म्हटले की, या प्रकरणात न्यायव्यवस्था योग्य ती कारवाई करेल. त्या पुढे म्हणाल्या, “मारहाणीचे व्हिडीओ पाहण्याची माझ्यामध्ये हिंमत नाही. संतोष देशमुख यांच्या आईची मी हात जोडून माफी मागते.”
धनंजय मुंडे यांच्या राजीनाम्यावर परखड प्रतिक्रिया
धनंजय मुंडे यांच्या राजीनाम्याचा उल्लेख करताना पंकजा मुंडे म्हणाल्या, “धनंजय मुंडे यांनी मंत्रिपदाची शपथच घेऊ नये, अशी स्थिती होती. राजीनामा उशिराच झाला, पण मी त्याचे स्वागत करते.”
सुरेश धस आणि पंकजा मुंडे यांच्यातील वाद चव्हाट्यावर
दरम्यान, भाजप आमदार सुरेश धस यांनी पंकजा मुंडेंवर टीका करताना म्हटले की, “त्या पर्यावरण मंत्री असून बीडशी त्यांना काही देणे-घेणे नाही.” यावर पंकजा मुंडे यांनी अद्याप प्रतिक्रिया दिली नसली तरी दोघांमधील राजकीय मतभेद उघड झाले आहेत.
राजकीय समीकरणे बदलणार?
धनंजय मुंडे आणि पंकजा मुंडे हे वेगवेगळ्या पक्षाचे नेते असले तरी दोघांनीच एकाच वेळी मंत्रिपदाची शपथ घेतली होती. मात्र, या प्रकरणानंतर राजकीय वातावरण तापले असून पुढील राजकीय हालचालींवर सर्वांच्या नजरा आहेत.
