Kisan Credit Card : केंद्रीय अर्थमंत्री निर्मला सीतारामन यांनी २०२५-२६ या आर्थिक वर्षासाठीचा केंद्रीय अर्थसंकल्प सादर केला. या अर्थसंकल्पात शेतकऱ्यांसाठी मोठी घोषणा करण्यात आली असून, किसान क्रेडिट कार्ड (KCC) योजनेची मर्यादा ५ लाख रुपयांपर्यंत वाढवण्यात आली आहे. यापूर्वी ही मर्यादा ३ लाख रुपये होती, त्यामुळे शेतकऱ्यांना आता अतिरिक्त २ लाख रुपयांचे कर्ज मिळू शकणार आहे.
किसान क्रेडिट कार्ड योजनेचे फायदे
आतापर्यंत शेतकऱ्यांना ४% व्याजदराने ३ लाख रुपयांपर्यंत कर्ज मिळत होते, आता ही मर्यादा ५ लाखांपर्यंत वाढली आहे. वेळेवर कर्ज फेडणाऱ्या शेतकऱ्यांना ३% अनुदान दिले जाते, त्यामुळे त्यांना व्याजाचा अतिरिक्त भार सहन करावा लागत नाही. बचत खात्याचा लाभ देखील उपलब्ध असून, अर्जाची प्रक्रिया जलद आणि सुलभ करण्यात आली आहे.
किसान क्रेडिट कार्डसाठी अर्ज करण्याची प्रक्रिया
ऑफलाइन अर्ज करण्याची प्रक्रिया
- जवळच्या बँकेच्या शाखेत जाऊन किसान क्रेडिट कार्डसाठी अर्ज फॉर्म घ्यावा.
- आवश्यक माहिती भरून संबंधित कागदपत्रांसह अर्ज जमा करावा.
- अर्ज मंजूर झाल्यानंतर १५ दिवसांच्या आत किसान क्रेडिट कार्ड जारी केले जाते.
ऑनलाइन अर्ज करण्याची प्रक्रिया
- बँकेच्या अधिकृत वेबसाइटला भेट द्या.
- होम पेजवर ‘किसान क्रेडिट कार्ड’ पर्याय निवडा.
- नवीन पेजवर सर्व आवश्यक माहिती भरून अर्ज सबमिट करा.
- सबमिट केल्यानंतर संदर्भ क्रमांक प्राप्त होईल.
- पात्र ठरल्यास, बँक ५ दिवसांच्या आत संपर्क साधेल.
किसान क्रेडिट कार्डसाठी आवश्यक कागदपत्रे
पासपोर्ट साइज फोटो
आधार कार्ड / मतदार ओळखपत्र / वाहन परवाना
शेतजमिनीची कागदपत्रे
केंद्र सरकारच्या या निर्णयामुळे लाखो शेतकऱ्यांना दिलासा मिळणार असून, कृषी क्षेत्राला मोठी चालना मिळेल, असा अंदाज व्यक्त केला जात आहे.