Sanjay Raut : शिवसेनेचे (उद्धव बाळासाहेब ठाकरे) खासदार संजय राऊत यांनी राज्यसभेत आणि सरकारला मोठ्या प्रमाणावर टीका केली आहे. औरंगजेबाच्या मुद्द्यावरून बोलताना राऊत यांनी म्हटले, “देशातील एकता आणि अखंडता राखण्याची जबाबदारी गृह मंत्रालयाची आहे. जे लोक वारंवार औरंगजेबाचे नाव घेऊन देशात अस्थिरता निर्माण करत आहेत, त्यांना रोखले नाही, तर हा देश एक राहणार नाही.” राऊत यांनी सरकारवर जोरदार निशाणा साधला आणि देशात अस्थिरता निर्माण करणाऱ्यांना त्वरित रोखण्याची आवश्यकता असल्याचे स्पष्ट केले.
त्यांनी पुढे सांगितले की, “गृह मंत्रालयाने जर अशा शक्तींना, ज्या देशात तणाव निर्माण करत आहेत, वेळेवर रोखले नाही, तर देशाची एकता धोक्यात येईल.” राऊत यांनी हेही म्हटले की काही लोक, ज्यात महाराष्ट्रातील मंत्री आणि केंद्रातील उच्चपदस्थ अधिकारी आहेत, यांनाही रोखले पाहिजे.
राऊत यांनी गृह मंत्रालयावर निशाणा साधत म्हटले, “माझ्या पाहणीत, काही काळापासून महाराष्ट्राला पोलिसी राज्य बनवण्यात आले आहे. पोलिसांचा उद्देश विरोधकांना कमकुवत करणे, राजकीय पक्ष फोडणे आणि आमदार व खासदारांची खरेदी करणे आहे. हे गृह मंत्रालयाच्या मूळ कर्तव्यातलं काम नाही.”
त्यांनी महाराष्ट्रात झालेल्या दंगलाचा उल्लेख करत म्हटले, “मणिपूर जळत होतं, पण आता महाराष्ट्रही पेटवला आहे. नागपूरमध्ये कधी दंगल झाली नाही, पण आज नागपूरमध्ये दंगल झाली आहे, तेही मुख्यमंत्र्यांच्या शहरात.”
आखेर, राऊतांनी औरंगजेबाच्या कबरीवरुन दिलेल्या घणाघाती टीकेत म्हटले, “तुम्हाला आणि तुमच्या सरकारला जर औरंगजेबाची कबर तोडायची असेल, तर फावडे घेऊन जा आणि तोडा. परंतु, तुमच्या मुलांना पाठवा, आमच्या मुलांना नाही.”
